Þvílíkar gleðifréttir fyrir Íslenska knattspyrnu ef þetta verður að veruleika, þetta er klárlega minn maður! Besti varnarmiðjumaður okkar Íslendinga fyrr og síðar, það er bara þannig

http://www.visir.is/apps/pbcs.dll/article?AID=/20060911/IDROTTIR/109110024/1051

Halló Arnór og Einar Logi

Jæjajæjajæja......... Ætli það sé ekki löngu komið að því að maður hendi hérna inn smá ferðasögu frá Londonferðinni hjá okkur bræðrum. Ég ætla að hafa þetta í tveimur hlutum, núna kemur fyrri parturinn sem nær yfir fyrsta daginn í þessari mögnuðu ferð.

Á mánudagsmorgun kl. 8:45 í síðustu viku þá lagði lagði ég af stað á Julian (já það er rétt, ég lagði af stað á Subaru Justy) og ferðin var heitið í Varmahlíð þar sem ég myndi hitta gamla (Baldur Má) og halda síðan báðir áfram þaðan á bílnum hans. Nokkrir félaga minna hlógu að mér þegar maður sagði þeim að maður ætlaði að fara yfir heiðina á Julian en viti menn, hann stóð sig eins og hetja og átti ekki í vandræðum með að bruna í fjórhjóladrifinu í gegnum skaflana á heiðinni, enda reyndar gríðarlega öflugur bílstjóri við stýrið. 

Allt gekk rosa flott og allt í blússandi góðum málum og aðeins c.a. 2-3 mínutur í Varmahlíð..... Jebbs, þá kom að því að Julian kallinn var eitthvað þreyttur og ákvað að fara að sofa (hann drap á sér).... FRÁBÆRT!!! Með herkjum tókst þó að vekja hann á ný og drulla honum heim til Baldurs Más.... Góð byrjun á skemmtilegri ferð.

Frá Varmahlíð var svo brunað beinustu leið til Keflavíkur án stopps. Á flugvellinum tókum við því svo auðvitað bara easy. Flogið var svo út kl. 16:00 og lent í London um áttaleytið að staðartíma. Þegar við lentum var umsvifalaust hringt í Jóa Trausta en hann var einmitt í London á sama tíma. Hann svaraði flottur á því og staddur á White Hart Lane að fara að horfa á sína menn í Tottenham á móti W.B.A. Ákváðum við að heyrast betur eftir leikinn. Ég og gamli fórum þá að stússast í að koma okkur á hótelið okkar, en það var smá bras. Að vísu var aðeins stoppað við á Burger King og fengið sér einn góðann burger fyrst. Eftir það fórum við í ansi hreint skrautlega lestarferð sem tók u.þ.b. 45 min. Í sætinu við hliðina á okkur í lestinni settist maður sem var svona vægast sagt frekar nörralegur og tók upp úr töskunni sinni stærðfræðiblöðin sín og fór að reikna grimmt einhver dæmi. Mér fannst þetta nú eitthvað spaugilegt og fór að benda gamla á hversu hallærislegur þessi gaur væri, það var allavega frekar fyndið að fylgjast með honum, hann hefði passað ágætlega í þættina þarna á stöð 2: Beauty and the Geek. Gamli ákvað að spyrja þennan félaga okkar (á ensku) hvort við værum ekki örugglega á leiðinni á Liverpool Street og hann svaraði: "Já". Við kipptum okkur þó ekkert við það, þetta bara hlyti að vera nördalegur Englendingur. Það sem eftir lifði ferðar hélt ég áfram að tala um kappann hversu fyndið væri að fylgjast með honum og þess háttar (enda bjóst maður nú ekki við því að hann skildi stakt orð sem maður væri að segja). Ég tók meira að segja mynd af honum, en hann var ekkert par ánægður með það og ég tók eftir því að hann var farinn að horfa nokkuð þungum augum til mín..... Jebbs, auðvitað kom það í ljós í lok lestarferðarinnar að þetta var Íslendingur..... FRÁBÆRT!!! Vel gert Andri Snær.......

Þegar loksins var komið upp á hótel var klukkan u.þ.b. 10 og við frekar tussulegir eftir allt ferðalagið. Við kíktum á fréttirnar í sjónvarpinu þar sem að sjálfsögðu var nánast bara fjallað um leikinn sem við vorum að fara á daginn eftir. Þar kom m.a. í ljós að Ljungberg yrði ekki með sökum meiðsla og einnig Sol Campbell en Van Persie myndi koma inn í liðið eftir meiðsli. Þó var aðallega talað um endurkomu Vieira á Highbury, miklar pælingar hvort hann myndi standast pressuna og slíkt og auðvitað viðtal við hann.

Við bræðurnir hittum svo tvo aðra Íslenska Arsenal dúdda á hótelinu sem voru komnir í vikuferð tli London og ætluðu að sjá bæði Juventus leikinn og leikinn á móti Aston Villa (sem endaði einmitt 5-0 fyrir Arsenal). Þetta voru toppgaurar sem hétu báðir Biggi, skemmtilegt það. Jói Trausta hringdi svo afar sáttur í okkur þar sem hans menn höfðu unnið 2-1 og Robbie Keane skorað sigurmarkið í blálokin. Við ákváðum að hittast og komu þeir Biggar með okkur. Ferðinni var heitið á einhvern pub sem var fínt og rólegt, aðallega spilað pool þar sem Jói fór á kostum vægast sagt. Eftir þetta allt saman var bara farið upp á hótel í svefn enda mikilvægur leikur daginn eftir.

Staddur á Burger King með fullann munn.

Hér er nörrinn í lestinni sem reyndist svo vera Íslenskur.... Hann hefði plömmað sig vel í X-inu, það er klárt mál.. 

Gamli í lestinni.

Jói var seigur í pool.

Hér er Jói með þeim Biggum

Framhald af ferðasögunni mun koma innan tíðar......

Andri Snær

Hér eru nokkur dæmi sem eru í virkilegu uppáhaldi hjá mér þessa dagana:

Sjónvarp: Ég hef nú alltaf horft frekar lítið á sjónvarp (allavega miðað við Gumma Herm) en þó eru tveir þættir sem eru í sérstaklega miklu uppáhaldi hjá mér þessa dagana. Fyrst ber að nefna My sweet fat Valentina sem er einhver sápa frá Chile eða eitthvað og er sýnt á stöð 2. VÁ, þetta er aðeins of mikil snilld, það er hægt að hlægja endalaust að þessu, allir leikararnir ofleika svaðalega, alltaf einhver rifrildi, svik og slagsmál í gangi og ég veit ekki hvað og hvað. Undir þessu öllu saman er svo ekkert eðlilega fyndin dramatónlist sem er vægast hallærisleg. Endilega að kíkja á þetta því þetta er gaman að sjá!
Annars vegar er það að sjálfsögðu Neighbours sem klikkar aldrei, nenni ekki að skrifa mikið um þá enda kannast allir við fólkið á Ramsey-Street.

Tónlist: Ég hef nú alltaf hlustað talsvert á tónlist, hef nokkuð víðan smekk í þeim málum og ipodinn minn er einn af mínum bestu vinum. En allavega þá er safndiskurinn með Uriah Heep, sem Stebo lét mig fá um daginn, einhver almesta snilld sem ég hef nokkru sinni hlustað á. VÁ!!!! Djöfull voru/eru þeir hrikalega góðir og öll 15 lögin á disknum eru frábær. Ég vil hvetja alla þá sem ekki kannast við Uriah Heep að prófa að hlusta á lög eins og Lady in black, Gypsy, Easy Livin og að sjálfsögðu July Morning (sem er hreinlega eitt allra flottasta og tilfinningaríkasta lag sem ég hef nokkru sinni hlustað á) og pæla aðeins í þessari tónlist. Þetta kalla ég sko alvöru tónlist takk fyrir túkall! 

Enda þetta á video með einhverjum sick Þjóðverja sem er tölvunörd dauðans... Ég þakka fyrir að hafa aldrei haft mikinn áhuga á tölvum! Þetta er bara rugl, endilega horfiði á þetta allt.  http://b2.is/?sida=tengill&id=151221

Andri Snær

Jebbs, þetta er ekkert grín. Ég er að fara á Highbury og það ekkert á Arsenal-Scarbourogh eða eitthvað þannig.. Ó, nei ekki aldeilis!

Í morgun gengum ég og eldri bróðir minn, Baldur Már, frá kaupum á miðum á leik Arsenal-Juventus á Highbury í meistaradeildinni núna 28. mars takk fyrir túkall! Sælir!! Vá hvað ég er fáránlega spenntur og er búinn að láta eins og æstur krakki í allan dag eftir að þetta varð ljóst. Shit, Vá, geðveikt, rugl, sturlað, mergjað og fleiri orð eru búin að fá að flakka síðan í morgun....

Ég var búinn að ákveða þetta fyrir mörgum árum, eða eftir að ljóst var að liðið myndi fara á nýjan völl sem verður tekinn í notkun á næsta tímabili, að ég gæti ekki kallað mig Arsenal-mann ef ég hefði ekki farið á leik á Highbury. Upphaflega ætluðum við Gummi Troy að fara saman að sjá okkar lið spila á þessum sögufræga velli en því miður varð aldrei af því. Gummi fór einmitt á Arsenal-Real um daginn en ég komst ekki með af því að við vorum að spila í deildinni á sama tíma. Þegar þetta bauðst hins vegar og það á milli leikja hjá okkur þá var maður ekkert að hugsa sig tvisvar um og útkoman: Miði á leik Arsenal gegn Juventus! Vá hvað þetta verður fáránlega geðveikt að sjá mína menn á Highbury, en einnig verður gaman að sjá Vieira sjálfan spila á sínum gamla heimavelli. Eitt er víst að ég mun varla púa á hann... Eða hvað? Pæling....

Gamall draumur er að verða að veruleika. Þetta getur ekki klikkað!

Bið að heilsa, ef þið sjáið mig eitthvað er mjög líklegt að ég sé skælbrosandi og hress gaur.....!

Andri Snær

Það var smá sárabót í gærkvöldi þegar mínir menn í Arsenal komust áfram í 8-liða úrslitin í meistaradeildinni, djöfull voru þeir góðir! Þvílík liðsheild segi ég nú bara, allir sem einn börðust fyrir málstaðinn og útkoman: 8-liða úrslit eftir að hafa slegið út stjörnuprýtt Real Madrid lið útúr keppninni. Hefur ekki verið leiðinlegt fyrir Gumma Troy (Arsenal mann, ekki Real mann) að vera á leiknum og fagna vel í leikslok. En djöfull er Ronaldo gjörsamlega búinn að missa það, jú Elfar hann er hreinlega orðinn feitur! Mjög vel orðað hjá einhverjum Arsenal fan sem sagði: "Now that we're through we can safely say that Ronaldo looks like he's eaten a life sized chocolate and cream figure of each one of our team and ultimately history will judge this Real Madrid as the best group of individuals ever assembled but who simply aren't and never have been a team."

Til sönnunar verð ég að setja hér inn video, sem ég stal af síðunni hans Ella Halld, af Ronaldo þegar hann var upp á sitt besta í Barcelona:

http://video.google.com/videoplay?docid=1787597951335531169&q=Ronaldo

Var að koma af fundi með skólameistaranum, Jón Má, aðstoðarskólameistara, stjórn Hugins, námsráðgjafa MA auk fulltrúa allra 4. bekkja í skólanum. Ég var þar sem fulltrúi bekkjar míns, 4-T. Ætla ekkert að hafa mörg orð um erindi þessa fundar á þessari síðu en ég verð þó að segja að ég er mjög ánægður með hann og vona svo innilega að tekið verði mark á því sem við, fulltrúar bekkja okkar, höfðum fram að færa á þessum annars ágæta fundi.

Spurning um að halda áfram í þessum efnum og kíkja jafnvel í pólítíkina? Jaaa.. maður spyr sig....

Enda þetta á svona "nett" hallærislegu tónlistarmyndbandi með engum öðrum en David Hasselhoff! http://www.hugi.is/hahradi/bigboxes.php?box_id=51208&f_id=124

Andri Snær

Úff, hvað ég er feginn að vera búinn í skólanum þessa vikuna og nú tekur við Háskólakynning fyrir sunnan um helgina. Mér lýst afar vel á þessa ferð, hún getur varla klikkað eins og við félagarnir erum búnir að skipuleggja hana.

En eitt stórt ÚFF!! hvað það var erfitt að vakna í sundið í morgun, guð minn góður! Þeir sem þekkja mig vita hversu lengi ég er í gang á morgnanna og hversu gott mér þykir að sofa. Ég vaknaði fyrst klukkan 6.28 við vekjaraklukkuna sem ég sló strax í gólfið. Hélt áfram að sofa. Svo kom pabbi um 6:31 og gerði árangurslausa tilraun til að koma mér á fætur. Klukkan 6:37 kom svo mamma en ekkert gekk, ég hélt að sigurinn og svefninn væri minn. En klukkan 6:42 bugaðist ég þegar mamma var mætt aftur að reyna að fá mann á fætur. Ég bölvaði í hljóði, fór hálfsofandi út í bíl með einn banana en það var by the way ÓGEÐSLEGA kalt í morgun! Í þokkabót var ég ekki með linsurnar, en ég fór og náði í Elfar og við brunuðum niður í sundlaug. Þegar þangað var komið var ég enn ekki nálægt því að vera fullvaknaður, sem sást kannski best að mér tókst að klúðra því að læsa skápnum mínum inní klefa (sem á að vera mjög einfalt). Fékk þó annan skápapening í afgreiðslunni og reddaði því.

Enn var maður sofandi, þegar maður kom út í þetta ÓGEÐIS frost og út í laug. Þá komu þær Sonja og Inga sem voru alveg ótrúlega morgunhressar fannst mér og létu okkur synda endalaust mikið. Ég ráfaði óvart inná hröðustu brautina en þar eru einmitt aðallega þvílíkir sundgarpar sem synda fáránlega hratt, stoppa aldrei, taka þvílíku snúningana þegar þeir koma að bakkanum (án djóks) og ég veit ekki hvað og hvað. Eins og ég segi þá var maður ekkert alveg með á nótunum svona snemma morguns og hélt ég að maður hlyti að vera svona slakur miðað við alla hina svo ég fór að djöflast og djöflast áfram og það var svo loks í svona c.a. 27 ferð sem ég vaknaði loks almennilega og fattaði að ég væri að synda með einhverjum professional sundgörpum og að brautin sem maður ætti í raun að vera á, var næsta braut!!

Eftir sundið fór maður svo ferskur í skólann, ótrúlega skrítið að mæta í skólann klukkan 8:00 drulluferskur og hress og sjá alla hina tínast í skólann drulluúldnir og nývaknaðir...

Ætla svo að enda þetta á öðru videoi með Tyson.. Maðurinn er náttúrulega mjög heilbrigður!!   http://www.hugi.is/hahradi/bigboxes.php?box_id=51208&f_id=6

Andri Snær

Ég vara ykkur við, ef þið hafið ekki gaman af fótbolta, þá gæti þessi færsla verið leiðinleg..

Jæja, í dag er ég stoltur og glaður ungur drengur. Get bara ekki hætt að hugsa um leikinn sem ég sá í gær hjá mínum mönnum, Arsenal.

Eftir að hafa verið alveg hreint hrikalega slakir í allan vetur (eru í 5. sæti í deildinni), þá kom leikur leikjanna í gær, Real Madrid-Arsenal á Bernabau en fyrir leikinn hafði enskt lið aldrei unnið á þessum velli. Ég verð að viðurkenna að ég var ekkert sérstaklega spenntur eða vongóður fyrir þennan leik, sérstaklega þar sem 3 lykilmenn vantaði í vörnina hjá okkur (Cole, Campbell og Lauren) og í stað þeirra spiluðu 3 óreyndir kjúklingar, þeir Senderos, Flamini og Eboue. Auk þess er miðjan búin að vera svo skelfileg í vetur að það hálfa væri nóg, Ljungberg er búinn að vera ömurlegur allt tímabilið og hefur ekkert gert, Reyes búinn að vera slakur, Gilberto er ekkert búinn að sjást í allan vetur þó svo að hann sé alltaf inná að ónefndum Alexander Hleb sem við keyptum á 10 milljónir punda í vetur sem varla hefur hitt sendingu á samherja í allan vetur. Þeir voru þó allir með í gær sem mér fannst fyrirfram ekki vænlegt til árangurs, en auk þeirra var Fabregas á miðjunni, en hann er by the way '87 módel. Frammi var svo að sjálfsögðu kóngurinn Henry.

Leikurinn var einfaldlega stórkostlega leikinn af hálfu Arsenal manna. Guð minn góður, ég hef varla séð annan eins fótbolta eins og boðið var uppá! Það kom varla sending sem var ekki meðfram jörðinni og það sem þeir gulu hlupu í leiknum! VÁ!!! Ég get ekki annað en dáðst að þessari frammistöðu gegn Real Madrid og það á þeirra eigin heimavelli.

Arsenal var sterkara liðið frá upphafi leiksins til enda, ekkert flóknara en það. Þó svo að Real væri mun meira með boltann sem er eðlilegt á þeirra heimavelli, þá átti Arsenal mikið mun hættulegri færi og hefðu alveg þess vegna getað sett tvö mörk til viðbótar á meðan Real ógnuðu lítið. Hinir ungu og fersku Arsenal drengir voru bara svo miklu ákafari og áhugasamari heldur en þessar stjörnur í Real Madrid að það hálfa væri hellings nóg!

Djöfull er ég ánægður með þetta, þarna þekki ég þetta lið sem var yfirburðar lið fótboltalega séð í Englandi fyrir tveimur árum síðan! Lehmann er einfaldlega einn sá flottasti og er með endalaust sjálfstraust, djöfull fíla ég þennan Þjóðverja! Gæti ekki verið ánægðari með vörnina, þeir einfaldlega stútuðu þessum celebum frammi hjá Real, þ.e. Ronaldo, Robinho, Babtista, Raul, það skipti engu þó svo að þessir kjúklingar væru ekki með neina reynslu, þeir einfaldlega virtust miklu áhugasamari að vinna leikinn heldur en strikerarnir hjá Real.

Miðjan var ekki síðri, Reyes átti klárlega sinn besta leik í búningi Arsenal, hljóp endalaust og gerði oftar en ekki lítið úr Cicinho með hraða sínum og tækni, Ljungberg var duglegur og skapaði loksins þann usla sem hann á að valda og Gilberto skilaði varnarmiðju-hlutverki sínu mjög vel. En enn á ég eftir að nefna Alexander Hleb, guð minn góður af hverju er maðurinn ekki búinn að spila svona í vetur? Loksins, loksins sýndi hann af hverju Wenger keypti hann á allan þennan pening, hann var virkilega hreyfanlegur og skilaði boltanum afar vel frá sér.

Enn á ég þó eftir að tala um tvo af mönnum leiksins, fyrst ber að nefna Cesc Fabregas. VÁ!!! Shit hvað drengurinn er góður í fótbolta, er þetta hægt?? Ég meina, gæinn er fæddur árið 1987 og hann spilar eins og Zidane gerði þegar hann var upp á sitt allra besta. Drengurinn var ótrúlegur í gær, tæknin sem hann hefur yfir að ráða er bara bull og vildi ég gjarna sjá sendingaprósentuhlutfallið hans í leiknum. Fabregas sem verður 19 ára þann 4. maí, yfirspilaði sjálfan Zinedine Zidane fótboltalega séð í gær, geri aðrir betur!!

Svo er það Henry.. Hvað er málið með hann??? Ég segi bara, djöfull er hægt að vera góður í fótbolta....

Jæja, svo er það bara seinni leikurinn á Highbury eftir. Það er bara hálfleikur í þessari fótboltaveislu. Gummi Troy er einmitt að fara á þann leik, en hann er harður Arsenal maður með smá Real ívafi..

Ég segi bara, Góða skemmtun Gummi!!

Andri Snær

Er búinn að vera að velta einu alvarlega fyrir mér.. Það er það að breyta nafninu á þessari síðu í blog.central.is/meiddur-junior?? Röggi ertu sáttur við það?? Góð pæling..

En allavega þá er þetta búið að vera ekkert venjulegt með mig í vetur, ég hef nú hingað til ekkert verið mikið fyrir það að slasa mig en í vetur hefur það svo sannarlega breyst.. Hef ég alvarlega á tilfinningunni að ég sé að líta aðeins of mikið upp til eldri leikmanna í liðinu, eins og Rögga meidda!

Ég fékk á æfingu í gær minn fjórða skurð í andlitið í vetur sem ég hef svo þurft að láta sauma eða hefta saman, er það eðlilegt?? Það er bara febrúar!! Svo er ég lítið búinn að geta æft handbolta það sem af er árinu útaf einhverju liðbandi fyrir neðan ökklann á mér sem er í rugli og ég get ekkert styrkt það með einhverjum sjúkraþjálfaraæfingum, er bara búinn að vera í nálastungum (sem er ekkert sérstaklega þægilegt), kælingum og einhverjum svoleiðis skemmtunum upp á síðkastið. Gaman að því.

Er líka að pæla í að fara að skipta um íþrótt, ég er búinn að hjóla svo mikið undanfarið (c.a. vegalengd sem samsvarar 3 hringi kringum landið) að það er alveg spurning um að snúa sér bara að hjólreiðum?? Allavega ætti maður ekkert að slasast mikið í því...!!  

Ætla að enda þetta á meistaranum sjálfum Jim Carrey, þeir sem ekki hafa séð þetta video með honum verða einfaldlega að kíkja á þetta: http://hugi.is/hahradi/bigboxes.php?box_id=51208&f_id=1

Andri Snær

Úff, hvað þetta er búinn að vera ljúfur dagur hingað til. Mér tókst aftur að vakna í nótt/morgun í sundið, kom svo upp í skóla og þá var Siggi meistari Bjarklind veikur þannig að ég fór bara í einn tíma í dag hjá ekki minni snillingi, honum Einari Sigtryggs. Eftir það var farið í stutta háskólakynningu upp í HA þar sem var troðið ofan í mann nammi og pizzum, ekki amalegt það.

En hvað er málið með sumt fólk í umferðinni? Sumir vilja meina að konur og gamalt fólk eigi ekki að vera með bílpróf en ég vil nú alls ekki taka svo djúpt í árina.. En allavega, þá er ótrúlegt hvað margir BJÁNAR virðast hafa bílpróf, guð minn góður! Ég keyri gríðarlega mikið á Julian mínum og það er nánast undantekningarlaust að maður sjái einhvern keyra í einhverju rugli. Núna rétt áðan munaði t.d. aðeins örlitlu að ég hefði hefði keyrt á konu sem kom bakkandi á fullu útúr bílastæðinu sínu í Hólsgerði (götunni sem ég bý). Konan horfði bara í aðra áttina meðan hún bakkaði á góðum hraða og datt ekki í hug að líta í áttina sem hún hefði þurft að líta fyrst í! Ég svoleiðis bombaði á bremsuna á Julian og rétt náði að redda þessu, flautaði svo á kellinguna sem hrökk mikið við og varð eins og epli í framan! Vissi greinilega upp á sig skömmina, en svona lagað fer svo hrikalega mikið í taugarnar á mér! Úff..

En já, annars eru ég og Stebbi G loksins búnir að finna hvað við eigum að láta ofvirku strákana sem við erum að þjálfa í 5.flokknum fá í næsta keppnisferðalagi til að fá þá í svefn. Sjá hér: http://www.hugi.is/hahradi/bigboxes.php?box_id=51208&f_id=190

Andri Snær

Sigurður Bjarklind er einhver allra mesti snillingur sem ég hef á ævi minni kynnst! Þvílíkur meistari þessi maður! Hann er að kenna mér líffærafræði og efnafræði núna á þessari önn og ég verð bara að segja það hér að slíkir meistarar finnast klárlega ekki á hverju strái.

Hér er svo gamalt viðtal við annan meistara sem er pínu freðinn, tékkið á þessu: http://www.hugi.is/hahradi/bigboxes.php?box_id=51208&f_id=421

Jæja, ekki get ég nú sagst vera mesti aðdáandi Júróvision en nú er allt búið að vera nötz útaf þessu Silvíu Nótt dæmi í undankeppni Júróvision. Ég bara verð að segja eins og er að þetta er eitthvað sem við megum ekki stoppa! Ég meina, auðvitað voru reglur brotnar og allt það, en nú er það líka í umræðunni að önnur lög í keppninni hafi einnig "lekið" inn á netið..

Hafið þið tekið eftir því að einn helsti Júróvisionslagara höfundur okkar Íslendinga, hann Þorvaldur Bjarni samdi lagið og að Sigga gamla Beinteins er í bakröddunum?? Og svo tengist Selma Björns víst eitthvað þessu lagi.. En af hverju ætli þau séu að taka þátt í svona skrípaleik hafa örugglega margir spurt sig..

Jú málið er nú bara það held ég að núna loksins hafa þetta fólk áttað sig á því að pumpa þetta annars steingelda Júróvision dæmi okkar Íslendinga almennilega upp með þessu svakalegu flippi sem þetta lag er. Botnleðja gerði tilraun til að flippa þetta svolítið upp fyrir þremur árum en þá hafði þjóðin ekki kjark til að hrista upp í þessari keppni sem er alltaf eins ár eftir ár. Það er 100% að þetta getur vakið gríðarlega athygli að senda Silvíu þarna út og gefa þar með nett frat í þessa keppni. Margir muna nú eftir gaurnum frá Austurríki um árið sem var náttúrulega bara tóm steypa og flipp, en ef ég man rétt kunnu margir að meta það og lagið endaði í 5. sæti! En auðvitað þarf eitthvað fólk að vera á móti þessu og drulla yfir þetta dæmi og vilja fá eitthvað annað í staðinn. En, hvað á svo sem að koma í staðinn spyr ég?? Kannski lag númer 2 þarna á laugardaginn? Eitt stórt ÚFF við því eins og flestum lögunum þarna í þessari keppni.

Kommon, drullum yfir þessa keppni með því að senda Silvíu Nótt út í Júróvision! Annað væri bara hneisa!

Hægt er að hlusta á lagið hér: http://www.flurl.com/uploaded/Eurovision_lagid_55040.html#link_to_friend

Andri Snær 

Ég vaknaði í morgun klukkan 6:30..... Ástæða??

Jú ég er sem sagt í skólasundi kl. 6.50 alla föstudagsmorgna á þessari önn ásamt fleiri góðum mönnum, sbr. Ragga Njáls, Hólma, Ella Halld (sem tókst að vísu ekki að vakna í morgun þrátt fyrir heiðarlega tilraun) og fleiri.. En það er þó ekki svo að við ákváðum sjálfir að fara í þessa hressilegu sundtíma á föstudagsmorgnum heldur er ástæðan afar einföld, okkur tókst að falla í íþróttum á síðustu önn takk fyrir túkall! Já, það er rétt, við féllum í íþróttum, þrátt fyrir að æfa 6-8 sinnum í viku ásamt því að keppa leiki um helgar..

En þótt ótrúlegt meigi virðast þá er þetta alls ekkert alslæmt.. Af einhverjum ástæðum virðist ég eiga auðveldara að vakna kl. 6.30 heldur en eftir klukkan 7.. Þeir sem þekkja mig vita vel hvernig ég er á morgnanna (frekar mjög lengi í gang) og hversu gott mér þykir að sofa. En ég verð að segja að mér finnst ekkert að þessu einu sinni í viku, en það mætti ekkert vera mikið meira en það held ég...

Annars er komið út myndband frá feministum sem sýnir hvernig konur eiga auðveldara með að komast langt í þjóðfélaginu.. Tékkið á því hér http://www.hugi.is/hahradi/bigboxes.php?box_id=51208&f_id=326

Andri Snær

Jæja, ég er ekki alveg dauður í blogginu. Vil samt benda fólki á síðuna www.blog.central.is/garparnir þar sem við nokkrir félagarnir grillum og ruglum í liðinu. Gaman að því.

En já það er allt ágætt að frétta af mér, nenni nú ekkert að vera að fjalla mikið um hvað maður hefur verið að brasa undanfarið eins og versti gelgjubloggari..

En annars er allt að verða nötz í þjóðfélaginu meðan landsliðið er að brillera svona allsvaðalega en þetta er bara tær snilld. Sigurinn á Rússum í dag gæti verið upphafið af einhverju verulega stóru held ég, en þetta var fyrsti sigur okkar á Rússum á stórmóti sem verður að teljast svakalega gott, reyndar þó svo að Rússarnir virka ekki eins öflugir og undanfarin ár. Allavega var þetta hindrun sem við höfum aldrei yfirstigið þar til nú og allt í einu eru einfaldlega allir vegir færir, ekkert flóknara en það. Það jákvæðasta við þetta allt saman er að það virðist vera smá heppni sem er að fylgja okkur, en það er algjört möst í svona stórri keppni. Dæmi um það er t.d. ákveðnir dómar í dag sem féllu okkur svakalega í hag að mínu mati, en ég held að ég getu fullyrt að ég hafi aldrei séð Viggó jafn rólegan í leik og með engan skæting við dómarana. Annað dæmi er svo sigur Króata á Dönum sem var okkur afar hagstætt, en sá sigur vannst á marki í blá-restina. Það er vonandi að þessi heppni fylgi okkur áfram, því þá er einfaldlega allt hægt, ekkert flóknara en það.

En jæja, ég allavega er búinn að virkja síðuna á ný, spurning hvað það endist....

Enda þetta á flottu marki í fótbolta.... http://www.hugi.is/hahradi/bigboxes.php?box_id=51208&f_id=1112

Andri Snær